بصى يا قمر انتى وهى
الخطوه الاولى (الصنفره)
اغسلى وشك كويس اوى وهاتى 3 معالق سكر وليمونه
اعصرى الليمونه على السكر وخليه يبقى خشن كده
واعملى لوشك صنفره بحركات دائريه كده واغسلى وشك ونشفيه كويس
اللى بشرتها حاساسه او جافه تستبدل الليمون بالماء
الخطوه التانيه (الماسك)
1- هتجيبى رز مطحون (معلقه ونص كبيره من بتاعت الاكل )
2- هتجيبى ترمس مطحون وياسلام لو كان ترمس مر (معلقه كبيره من بتاعت الاكل )
3- هتجيبى ليمون (5 نقط بالظبط يا بنات )
تمام كده يا بنات
طريقه عميله
هتحطى الرز المطحون مع الترمس وعليهم نص كوبايه مايه وتعصرى الليمون
وتدوبيهم كويس
وتروحى على النار وتقلبى فيهم لحد ما يبقوا اخف من المهلبيه بشويه
ويبقى قومهم كريمى زى الصوره دى
وطبعا تسيبيه يبرد اوعى تحطيه سخن لتنسلخى وتدعى عليا
تسبيه يبرد بدرجه وشك يستحملها وتكونى عامله الصنفره ومجهزه
وشك
وتبدى بقى اوعى تاكليه لا ازعل منك
وزعيه على وشك وسيبيه لحد ما ينشف وروحى اغسل وشك
وبص فى المرايه
وانتى بتبصى فى المرايه قولى يارب يادينا يباركلك ويهديكى وييسرلك امر زواجك
هتلاقى وشك افتح فووووووووورى وانا بكرر فورى
وبيفضل بتاع 3 ساعات وشك لونه فاتح وجميل
وعلى فكره الماسك ده امان جدا لو عايزه تعمليه يوم ويوم اشطه
ولو اتبقى منك وعايزه تشليه فى التلاجه اشطه شغال برده
انا كده خلصت
منقول
ربنا يكرمك ويجعله فى ميزان حسناتك يارب ويرزقك بالذرية الصالحة اللى تسعدك وتهنيكى
ردحذف